Serokomar Recep Tayyîp Erdogan got, "Jiyaneke civakî ya îdeal û dadperwer tenê bi hebûna gotin û mafên jinan va mimkun e. Her wekî di jiyana civakê da, di jiyana bajar û rêveberiyên xwecihî da jî gelekî giring e ku jin çalak bin."

Serokomar Erdogan li oteleke Bahçelîevlerê beşdarî "Lûtkeya Navneteweyî ya di Rêveberiyên Xwecihî da Jin" a ku ji aliyê Serokatiya Baskê Jinan a Navenda Giştî ya AK Partiyê va hat lidarxistin bû û gotarek pêşkêş kir.

Serokomar Erdogan got, "Jiyaneke civakî ya îdeal û dadperwer tenê bi hebûna gotin û mafên jinan va mimkun e. Her wekî di jiyana civakê da, di jiyana bajar û rêveberiyên xwecihî da jî gelekî giring e ku jin çalak bin. Em hewleke mezin didin da ku xwîşkên me di jiyana civakî, kamû û bazirganiyê da, herî giring di polîtîkayê da bigihêjin cihê ku mafê wan e. Dema destê jinan bi rêveberiyên xwecihî dikeve, li wê derê, ne tenê estetîk û dilsozî, di heman demê da em dibînin sebir, vîzyon û biryardarî jî çêdibe."

Serokomar Erdogan bal kijand paqijiya jîngehê û got, "Divê em bi berfirehkirina hewildanên ji bo bermayiya sifir rê li ber qirêjiya jîngehê û îsrafê bigirin, ku bûne pirsgirêkên herî mezin ên bajarên me."

Erdogan wiha pê da çû:

"Gendelî, bertîl, îrtîkab, talankirina malên kamûyê, li tenişt van jî skandalên dervayî exlaq û hiqûqê, mixabin Tirkiye rûbirûyê texrîbatekê hişt. Em piştgiriyê didin kesên ku dixwazin xizmetê bikin, digel vê di nav sînorên qanûnî da, em rê nadin ku malê gel, were çopandin."