Serokomar Recep Tayyîp Erdogan got ku "Em ê têkoşîna xwe ya dijî hemû muptelabûn, marazên ku zirarê didin tenduristiya mirovên me, aramiya civaka me ra bidomînin."

Serokomar Erdogan di Foruma Federasyona Heyva Kesk a Navneteweyî da axivî.

Serokomar Erdogan destnîşan kir mimkûn nîne ku civakeke nesaxlem hêzdar bibe. Yek ji dijminên herî mezin ên laşekî saxlem jî muptelabûn e û wiha axivî

"Bingeha kaotîk a alema sanal têkoşîna dijî muptelabûnê dijwar dike. Tiştên ku berê dijwar bûn niha tenê di mesafeya tikandinekî ne. Di heyameke ku naverokên înternet û çapemeniya civakî ciwanên me, nirxên me, civaka me hedef digire da malbatên me jî divê gelekî baldar bin."

Serokomar Erdogan destnîşan kir ku partî, îdeolojî, jêder û nasnameya hin mijaran nabe û got ku "Têkoşîna dijî muptelabûnê jî va ye mijareke wiha ye. Divê em hemû bi hev ra li ser vê pirsgirêkê rawestin û çareser bikin. Em ê têkoşîna xwe ya dijî hemû muptelabûn, marazên ku zirarê didin tenduristiya mirovên me, aramiya civaka me ra bidomînin."

Serokomar Erdogan got ku "(Mixalefet) Li aliyekî bihayê ava gotin ku 'Em ê bikin bêpere' 10 qat zêde kirine, li aliyê din behsa daxistina bihayê vexwarinên bialkol dikin. Ez vê hişmendiya ecêb a ku nûjeniyê ne di zanist, teknolojî, pêşketin û çandê da di lihevxistina qedehan da dibîne hewalê wijdana gelê me dikim."