Serokomar Recep Tayyîp Erdogan di axaftina xwe da got, "Em li ser vê erdnîgariyê mêvan û dagirker nînin. Em xwediyê vê erdnîgariyê ne. Hezar sal e li vir in û em ê heya qiyametê jî li vir bin."

Erdogan li Navenda Çand û Kongreyê ya Gel ya Beştepeyê di Merasima Peşkavêtina Bicîkirina Xizmên Xazî û Şehîdan da axivî.

Serokomar Erdogan diyar kir ku eqrebayên şehîd û xaziyan bi tenê nahêlin û wiha peyivî, "Em gel û hikûmetek in ku eqrebayên şehîd û xaziyan bi tenê nahêle. Em bi hemû derfetên xwe hewl didin bibin layîqî wan ruhên pîroz ku girê şehîdan vala nahêlin. Em gotin, beyan û tevgerên ku zirarê didin xetireya ezîz ya şehîdên me û dilê xaziyên me dihêlin, bi tu awayî qebûl nakin. Me pêk va planên wan kesan têk birin ku kemîne avêtin ber hevqederiya me, rêhevaltiya me, biratiya me ya xwînê û ruhê yekîtî û desthevgirtina me. Qebrên şehîdên me li dijî rêxistinên îxanet û dagirkirinê ku taşerontiya mêtingeran dikin, çeperên vedayî ne. Ji wan çeperan derbas nebûn û wê derbas nebin."

Erdogan bal kişand ser êrîşên artêşa Îsraîlê yên dijî Xeta Xezeyê û wiha got, "23 meh e li ber çavên hemû mirovahiyê qetlîameke mezin çêdibe û dîsa berteka herî mezin ya dijî vê qetlîamê jî ji gelê Tirk û Komara Tirkiyeyê derdikeve."

Serokomar Erdogan destnîşan kir li ser vê xakê bi sedan salan hikûm kirine û wiha axivî, "Li ser xaka ku yên belapêjgarî me dibin du sê nifş berî me hatine, me bi sedan salan hikûm kir, nîzam da hemû cihanê û em bûn şûrê edaletê. Em li ser vê erdnîgariyê mêvan û dagirker nînin. Em xwediyê vê erdnîgariyê ne. Hezar sal e li vir in û em ê heya qiyametê jî li vir bin."

Erdogan diyar kir planên bêistiqrarkirina herêma wan înşelah dê bi ser nekevin û wiha got, "Xwînrêjên emperyalîst û siyonîst dê negihêjin armancên xwe yên veşartî. Bi destûra Xwedê şiyan, hêz, qewet û helbet besîret û feraseta me heye ku em her cure lîstikan têk bibin. Bêyî ku bên tehrîkkirin em ê meşa xwe ya pîroz bidomînin. Em ê bendê yekîtî û biratiya xwe ya ebedî qewîn bigirin û em ê lîstikan têk bibin. Em ê bi hev ra bigihêjin armanca Tirkiyeya Bêteror. Em ê emaneta xazî û şehîdên xwe qirêj nekin û vê pêvajoyê bi serkeftî pêk bînin."