Serokomar Recep Tayyip Erdogan ragihand ku di hêza peywira şopandina cîbicîkirina peymana li Xezeyê da Tirkiye jî dê cih bigire.

Serokomar Erdogan di Merasima Destpêkirina Sala Akademîk a Hîndekariya Bilind a 2025-2026an da axivî.

Serokomar Erdogan di axaftinê da bal kişand ku ew ê cîbicîkirina madeyên lihevkirî yên peymana agirbesta li Xezeyê xal bi xal bişopînin û wiha dewam kir:

"Em ê di hêza peywirê ya ku dê li sehayê tetbîqkirina peymanê bişopîne da wek Tirkiye înşeallah em jî dê cî bigirin. Armanca me ew e ku jenosîd raweste û zûtirkê aramî were herêmê."

Erdogan her wiha got ku gelekî girîng e ku alîkariyên însanî yên berfireh ên acîl bigihêjin Xezeyê, rehîne û mehkûm bên pevguhertin, Îsraîl demildest êrîşên xwe rawestîne û wiha dewam kir, "Ji bo ku Xeze cardin rabe ser piyan em ê tevî civaka navneteweyî piştgiriyê bidin fealiyetên îmarê. Birayên me yên Xezeyî li dinyayê ew milet e ku aştî, aramî û ewlehiyê herî zêde heq dike."

Ji aliyekî din va Serokomar Erdogan wiha got, "Zanîngeha Dostaniya Tirkiye-Sûriyeyê ku xebatên damezirîna wê berdewam in, înşelah dê di kurtedemekê da li Şamê deriyên xwe ji xwendekaran ra veke."