Serokomar Erdogan di çalakiya ku ji ber 952yemîn salvegera Serkeftina Melezgirtê li Xelat hat lidarxistin da axivî

 Serokomar Recep Tayyîp Erdogan dema u ji ber 952yemîn salvegera Serkeftina Melezgirtê qada çalakiyê ya li Xelatê ziyaret kir axivî.

Erdogan got ku bila 952yemîn salvegera Serketina Melezgirtê bibe wesîleya xêrê û wiha axivî:

"Piraniya kesên ku dersê mafên mirovan û demokrasiyê didin dinyayê difikirin ka dê eybên xwe yên di rabirdûyê da çawa bincil bikin, hemd ji Xwedê ra em bi serkeftinên ecdad serbilind in û wekî madalyaya şerefê didin ser singê xwe. Kesên dixwazin ku me fehm bikin û me nas bikin bila neçin dûr, kesên dixwazin ku dîroka Tirkan a navdar hîn bibin bila bên û Xelat û Melezgirtê ziyaret bikin."

Erdogan da zanîn ku ev der piştî Belh û Buxarayê cihê sêyemîn e ku xwediyê nasnava "Qubetu'l Îslam" e û ev gotin: "Xelat bi 8 hezar û 200 gorên ecdad va wekî belgeya sicîla hebûna me ya li van axan e. "

- "Em hewl didin ku bi awayê herî baş binirxînin"

Erdogan diyar kir ku hemû bi hev ra li gor mene û girîngiya wê meha tebaxê ku wekî meha serkeftinan ket dîroka Tirkan îdraq dikin û ev nirxandin kirin:

"Em îro li Xelat in. Sibê înşeallah dê li Melezgirtê bin. Em ê 30yê tebaxê li Enqereyê pîroz bikin. Paşê di 29ê cotmehê da wek 85 milyon kêfxweş bibin ku gihaştin sala 100emîn a Komara me. Em ê ji rabirdûyê dersan derxînin, îbretê hildin û ber bi dahatûyeke murefehtir û xurttir va bimeşin. Em hewl didin ku vê sala ku di dîroka me da xwedî girîngiyeke gelekî mezin e bi awayê herî baş binirxînin. "

Serokomar Erdogan piştî axaftinê bi kesên pê ra derbasî konê xan bû.

Li Qadê Yekîneya Mehteranê ya Fermandariya Giştî ya Cendirmeyan rapêşî kir.