Serokomar Recep Tayyîp Erdogan got, "Di 23 salan da, me hejmara parêzgehên ku bi rêyên dabeşkirî va girêdayî, gihand 77an û dirêjahiya rêyên dabeşkirî jî gihand 30 hezar û 49 kîlometroyan"

Serokomar Erdogan li Navenda Kongreyê ya Halîçê di "Merasima Ji Xizmetê ra Vekirina Sî û Yekemîn Kîlometroya Rêya Dabeşkirî ya Rêveberiya Giştî ya Rêbejan" da axivî.

Erdogan anî ziman ku wan di serdema hikûmeta xwe da di warê çêkirina rêyan da gelek pêşketin tomar kirine û got, "Di 23 salan da, me hejmara parêzgehên ku bi rêyên dabeşkirî va girêdayî, gihand 77an û dirêjahiya rêyên dabeşkirî jî gihand 30 hezar û 49 kîlometroyan."

Serokomar Erdogan got, "Me rêjeya qezayên ji ber kêmasiyên rêyan hema hema gihandiye sifirê. Qîmet, lêçûn û qezenca vê yekê bi pereyan nayê pîvan."

Erdogan rexne li mixalefetê girt û got, "Nikarin kevirekî daynin ser kevirekî; tu îcraeta wan ji bilî bircên pereyan, qutiyên baqlaweyê û çerxên bertîlê, tuneye ku jê ra bibêjin 'meseleya me'. Bi rêya şaredariyan pergaleke bêserûber ava kirine, ji her kesî xeracê distînin û hestiyên her kesê ku hewcedarê şaredariyê dibe, mêtine."

Serokomar Erdogan her wiha got, "Çavkaniyên ku diviyabû ji bo rê, pire, xaçerê, metro û otobusan bihata xerckirin, dizîn û li şûna wê li vir û wir kêf kirin. Heke we gendelî nekiriye, heke we bertîl nexwariye, ev çi tirsa we ye? Heke we qanûn binpê nekiriye, çima hûn ji teceliya edaletê ditirsin?"