Serokomar Recep Tayyîp Erdogan bi Serokdewletê Rûsyayê Vladimîr Putîn ra bi têlefonê axivî.

Li gor daxuyaniya ji ser hesabê NSosyalê ya Serokatiya Ragihandinê ya Serokomariyê di axaftina Erdogan û Putîn ya bi têlefonê da têkiliyên Tirkiye û Rûsyayê û mijarên herêmî û kurewî hatin gotûbêjkirin.

Serokomar Erdogan di axaftinê da got ku Tirkiye ji bo li Xezeyê agirbest çêbe û alîkariya însanî ji herêmê ra here, cehd dike.

Erdogan diyar kir ji bo di şerê Ukrayna û Rûsyayê da aştiyeke adil û mayînde çêbe divê hewldanên diplomatîk bên zêdekirin, Tirkiye dê xebatên xwe yên ji bo aştiyê bidomîne.

Serokomar Erdogan di axaftinê da rojbûna Serokê Dewleta Rûsyayê Putîn jî pîroz kir.