Serokê Ragihandina Serokomariyê Burhanettîn Duran ragihand ku dê sibe li Hatayê bi beşdariya Serokomar Recep Tayyîp Erdogan bi mijara "Avakirina Sedsalê Serfiraziya Tirkiyeyê: 455 Hezar Xanî Temam" berameyek bê sazkirin û beşên serbixwe wê radestî xwedanmafan bikin.

Duran li ser hesabê NSosyalê derbarê "Avakirina Sedsalê Serfiraziya Tirkiyeyê: 455 Hezar Xanî Temam" da parvekirin kir.

Duran di parvekirina xwe da anî ziman ku piştî "karesata sedsalê", dewlet û gel dest dan hev û ji bo başkirina birînan têkoşaneke dîrokî nîşan dan.

Serokatiya Ragihandinê derbarê "Avakirina Sedsalê Serfiraziya Tirkiyeyê: 455 Hezar Xanî Temam" da parvekirin kir https://t.co/bKrAsEvPp0 pic.twitter.com/3JzPqzqsXB

— Anadolu Kurdî (@aa_kurdish) December 26, 2025

Duran diyar kir ku di bin serokatiya Serokomar Recep Tayyip Erdogan da, li 11 parêzgehan, li 174 deverên cuda û 3 hezar û 481 şantiyeyên avahîsaziyê bi xebateke 24 saetan bê navber, projeya "Seferberiya Avakirinê ya Sedsalê" ketiye rewacê.

Duran got, "Ev seferberiya mezin, ku hêvî geş kir û hevgirtin xurt kir, bû nîşana herî berbiçav a biryardarî û baweriyê. Wek miletekî, hevgirtin û îradeya jinûva avakirinê ku me nîşan da, di dîrokê da cih girt. Sibê, bi amadebûna Serokomarê me, ev hewldana mezin dê bi bernameya bi sernavê 'Avakirina Sedsalê, Serfiraziya Tirkiyeyê: 455 Xanî Temam' ku li Hatayê tê lidarxistin, were tacîdarkirin û hemî yekîneyên serbixwe dê radestî xwişk û birayên me yên ku mafê wan heye werin kirin. Ez ji nuha va dibêjim ji bo wan ser xêrê be."

Di parvekirinê da wêneyên avahiyên ku hatine temamkirin û dê radestî xwediyên wan werin kirin, jî cih girtin.