Serokê Ragihandina Serokomariyê Burhanettîn Duran ragihand, enqaza jeta taybet a ku Sererkanê Lîbyayê Orgeneral Mihemed Elî Ehmed El Heddad, 4 kesên pê ra û 3 miretebat tê da bûn, hat dîtin û xebatên hewcedar bi hûrgulî tên meşandin.

Serokê Ragihandinê Duran li ser hesabê xwe yê NSosyalê der barê jeta taybet a ku li Haymanayê ket da daxuyanî da.

Duran got, "Roja 23yê Berfanbara 2025an jeteke taybet a ku Sererkanê Lîbyayê Orgeneral Mihemed Elî Ehmed El Heddad, 4 kesên pê ra û 3 miretebat tê da bûn, di saet 20.17an da ji Balafirgeha Esenbogayê rabû û paşê di saet 20.33yan da caba rewşa acil daye navenda kontrola hewayê ku jetê erizeya ceyranê daye û daxwaza danîna acil xwestiye." û wiha dewam kir:

"Navenda kontrola hewayê cardin berê balafirê daye Balafirgeha Esenbogayê û li balafirgehê hildana tevdîran dest pê kiriye. Balafir ji bo danîna acil berjêr bûye, lê di saet 20.36an da ji ekrana radarê derketiye û paşê jî têkilî pê ra quta bûye. Ekîbên Wezareta me ya Karên Navxweyî lêgerîn da destpêkirin û enqaza balafirê dît. Xebatên hewcedar bi destê hemû saziyên me bi hûrgulî tên meşandin.

Di vê pêvajoyê da saziyên me yên çapemenî û weşanê di serî da divê raya me ya giştî tenê guh bide daxuyaniyên miqamên fermî; ji bilî daxuyaniyên fermî bala xwe nedin agahiyên piştrasnekirî yên ser medyaya civakî, spekulasyon û teoriyên komployê, piştgiriya teşebisên dezenformasyonê nekin. Ev pir girîng e."