Rûyê Meletiyeya ku di 6ê Sibata 2023yan da ji ber erdhejên navend Kahramanmeraş bandor lê çêbû, bi xebatên ku piştî karesatê dest pê kirin û hema hema li her deverê berdewam dikin, diguhere.

Ji binesaziyê bigire heta avahiyên servekirî, ji perwerdeyê bigire heta restorasyona mal û milkên çandî, ji xanîçêkirinê bigire heta qadên civakî, li gelek deveran li bajêr xebat di heman demê da tên meşandin.

Li bajarê ku xebat di bin koordîneya Wezareta Hawirdor, Bajarvanî û Guherîna Avûhewayê da berdewam dike, ji bo mexdûrên erdhejê yên ku mal û cihên kar ji dest dane 103 hezar û 494 xanî têne çêkirin.

Heta niha 53 hezar û 927 xanî, 3 hezar û 960 cihên kar û 10 hezar û 406 xaniyên gundan hatine temamkirin û radestî mexdûrên karesatê hatine kirin.

Tê plankirin ku heta dawiya salê hemû mexdûrên karesatê yên mafdar li malên wan yên daimî werin bicihkirin.