Qesra Îshaq Paşa ya dîrokî ya ji berhemên bijarte yên Dewleta Osmaniyan a li Anadoluyê û dorberê bi barîna berfê bi xêliya sipî xemilî.

Li qesra li Bazîda navçeya Agiriyê ya li 1900 mêtro bilindahiyê û dorberê wê qalindahiya berfê gihîşt bihustekê.

❮❯

Qesra Îshaq Paşa bi xweşikahiyên zivistanê balê dikişîne

Qesra Îshaq Paşa ya dîrokî ya ji berhemên bijarte yên Dewleta Osmaniyan a li Anadoluyê û dorberê bi barîna berfê bi xêliya sipî xemilî. ( Göksel Cüneyt İğde - Anadolu Agency )

Di her demsalên salê da turîstên xwecî û biyanî tên ziyareta qesra wekî hêlîna teyran û bi barîna berfê li herêmê dîmenên xweşik derketin holê.

Di qesrê da 116 ode, tirbe, mizgeft, sûr, hewşên hundir û derva, salona haremê hene û qesr di Lîsteya Berwext a Mîrata Dinyayê ya UNESCOyê da cî digre. Ziyaretvan her demsalê li ber xweşikahiyên herêm û qesrê şaş metel dimînin.

Herêm wekî "rêya şaristaniyan" tê zanîn û li der û dora qesrê Kelha Urartuyan a 3 hezar salî, Mizgefta Bayezid hene û turîst eleqeyeke mezin nîşanî herêmê didin.

Seda Guneş Karaslana ziyaretvan daxuyanî da nûçegihanê AAyê û diyar kir ku Qesra Îshaq Paşa bi mîmariya xwe balê dikişîne û berhemeke bêhempa ye.

Karaaslanê wiha wiha got: "Ez bi mêrê xwe ra ji Îdirê hatim vê derê. Ya rastî em her tim tên vê derê. Hin caran bi malbatê hin caran bi hevalan ra tên û li vê derê digerin.Ev der bêhempa ye."

Gokhan Karaaslan jî got ku Qesra Îshaq Paşa her demsalê ziyaretvanan şaş û metel dihêle, li dinyayê cara ewil sîstema kalorîferê li vê qesrê hatiye xebitandin.