"Penêrê çîrekê" yê ku li Yuksekovaya navçeya Hekariyê bi şîrê pez tê hilberîn, belgeya tescila işareta coxrafî sitand.

Odeya Bazirganî û Pîşesaziyê ya Yuksekovayê (TSO) ji bo penêrê çîrekê serî li Saziya Patent û Marqeyê ya Tirk da.

Saziya Patent û Marqeyê ya Tirk serîlêdan nirxand û ji bo berhema navborî belgeya tescila işareta coxrafî da.

Serokê TSOyê Abdurrahman Pinar diyar kir, ew hewl didin ku berhem û tamên herêmê bo Tirkiyeyê û dinyayê bidin nasandin.

Pinar diyar kir ku pêvajoya tescilkirina penêrê çîrekê temam bû û wiha got, "Ev penêr berhemeke pir girîng e. Cara ewil li herêma Hekariyê berhemeke me ye tescilkirî çêbû. Her wiha xebatên me yên ji bo hingiv, tirî û gûzê Şemdînliyê, hingiv, hêjîr û hinarê Daglicayê û sêva Çukurcayê didome."

Hilberînerê penêr Necip Baskin jî diyar kir ku TSOyê di sala 2019an da ji bo wergirtina belgeya işareta coxrafî serî lê da û wiha got:

"Em gelekî kêfxweş bûn ku berhem hat tescilkirin. Taybetiya herî girîng a vî penêrî ew e ku resen e ji bo herêma me. Tam û aromayeke wê ye cuda heye. Rêjeya xwêya wê pir kêm e. Piştî hin qonaxan mîna girikan tê vekirin û pehnkirin. Ew dixwazin vî penêrî hem li welêt û hem jî li dervayî welêt bidin danasîn û firotin."