Parlamenterê Kocaeliyê yê DEM Partiyê Omer Faruk Gergerlîoglu got, "PKK wê 11ê Tîrmehê roja înê li Silêmaniya bajarê Iraqê çekê dayne."

Gergerlîoglu li Meclisê civîna çapemeniyê li dar xist û diyar kir ku di nava rojên pêş da li Tirkiyeyê pêvajoyeke girîng wê dest pê bike.

Gergerlîoglu got, "PKK wê 11ê Tîrmehê roja înê li Silêmaniya bajarê Iraqê çekê dayne" û diyar kir ku ev wê bibe rojeke girîng û dîrokî. Gergerlîoglu wiha axivî, "Ji bo ku pêvajo bimeşe, gaveke girîng wê were avêtin. Bi sedan rojnameger, aktivîstên civaka sivîl wê merasimê bişopîne; çavê dinyayê wê li ser vê derê be."

Gergerlîogluyê Parlamenterê DEM Partiyê daxuyand, piştî ku rêxistina terorê çek danî, ew li bendê ne ku li Meclisê komîsyon bê avakirin û ev komîsyon dest bi xebatên xwe bike.