Li Navenda Xweşiqitandinê ya Sariqamîşê ku yek ji navendên turîzmê yên girîng ên Tirkiyeyê ye, liv û tevgera dawiya hefteyê zêde bû.

Li navenda ku di nav daristanên sariçamê da ye û bi berfa xwe ya krîstal va navdar e, 10 pîst û 5 telesiyej xizmetê didin û dirêjahiya pîstan heta 30 kîlomêtreyî heye.

Qalindahiya berfê li navendê gihîşt mêtro û nîvekê.

Kesên ku xwestin dawiya hefteyê li vir derbas bikin, ji bo xweşiqitandinê hatin navendê.

Serokê Komeleya Hîndekarê Xweşiqitandin û Snowboardê Bulent Yilmaz ji nûçegihanê AAyê ra daxuyand ku liv û tevgera navendê zêde ye û wiha axivî: "Em zivistaneke pir xweş derbas dikin. Malbat bi zarokên xwe ra ji bo xweşiqitandinê hatin vir. Ez hêvî dikim ku hemû hezkiriyên xweşiqitandinê qîmeta Sariqamîşê bizanibin û em her kesî vedixwînin Sariqamîşê."

Duygu Taşana ku ji Îdirê hatiye jî hezkirina xwe ya ji bo Sariqamîşê anî ziman û wiha got: "Tiştekî ku mîna berf û hewaya Sariqamîşê tune. Em pir jê hez dikin û hewl didin ku her sal werin. Em ji her kesî ra pêşniyar dikin."