Navber dan xebatên ji bo derxistina cesedên di keleka li nêzî Girava Çarpanakê ya li Behra Wanê binav bibû da dihatin meşandin.

Li Altinsaça taxa Gevaşê kelek derketibû rê û paşê jê tu xeberek nehatibû hildan. Ji bo derxistina kelekê û cesedan îro ber destê sibê dest bi xebatan kiribûn.

Ekîbên Ewlekariya Navxweyî ya Cendirmeyan, JAK, Ewlekariya Peravê, Midûriyeta Ewlekariyê, AFAD, UMKE û tenduristiyê, ekîbeke Hêzên Behrê, tîma ji 6 kesan pêk tê ya Wezareta Parastina Neteweyî ji Stenbolê şand li perava Girava Çarpanakê xebat meşandin.

Ji bo ku sibê dewam bikin navber dan xebatên bi 4 ROW û 4 cîhazên sonarê dihatin kirin.

Di daxuyaniya walîtiyê da wiha hat gotin: "Navber dan xebatên ji bo derxistina kelek û cesedan. Piştî pîlankirina lazim dike ji sibê pê va xebatên dewam bikin."

- Bûyer

Li Altinsaça gundê Gevaşa navçeya Wanê 27ê Hezîranê ji Sedat û Medenî Akbaşê ku bi keleka xwe ajotin nava Behra Wanê demeke dirêj xeber nehat hildan û li ser vê mixtarê taxê îxbar kiribû ku du kes winda ne.

Li ser vê firokeyên bi kamerayên termal, ÎHA û botan va li ser û dora golê dest bi xebatên lêgerînê kirin, di 8ê tîrmehê da kelek li perava Girava Çarpanakê hatibû dîtin û 106 mêtre di binê avê da bû. Ji ber vê 5 kes Medenî Akbaş jî tev hatibûn girtin.