Li Erdîşa navçeya Wanê di hundirê çaviyên veşartî yên 2 otobusên rêwiyan da 47 koçberên bêdestûr hatin girtin, 3 berşik hatin binçavkirin.

Ekîbên Amîriya Koma Dijî Qaçaxçîtî û Sûcên Organîze ya Midûriyeta Ewlekariya Navçeyê li Xaçerêya Hamuryenê ji ber gumanê, otobusên rêwiyan ên plaqeyên wan 34 FEH 614 û 34 ELR 101 in, rawestandin.

Di kontrolan da ekîban ferq kir ku di herdu otobusan da jî hejmara paldankan kêm e û li hêla paşiya otobusê çaviyên veşartî hene.

Piştî ku paldank hatin rakirin, lêgerîn hat kirin û di çaviyên veşartî da 47 koçberên bêdestûr hatin girtin ku 2 jê ji ber bêhewabûnê ji hal ketibûn.

Ajokarên otobusan M.M.T, R.T. û T.C. hatin binçavkirin.

Koçberên bêdestûr ên ku polêsan nan û av da wan, piştî miemeleyan dê bo Midûriyeta Rêveberiya Koçê ya Wanê bên sewqkirin.