Şaredariya Bajarê Mezin a Wanê xebatên qonaxa dawî ya ji bo rêya perava Gola Wanê da destpêkirin.

Li gorî daxuyaniya Şaredariya Bajarê Mezin a Wanê, projeya Rêya Perava Gola Wanê ya ku ji hêla Serokatiya Daîreya Parastin û Temîrkirina Rêyan va tê rêvebirin, dewam dike.

Ekîb di astfalkirina qonaxa sêyemîn da gihîştîn xebatên dawîn.

Xebatên li qonaxa çaremîn a li ser rêyeke 6 kîlomêtroyî ya di navbera Zanîngeha Van Yuzuncu Yil û Tesîsa Parzûnkirina Ava Bermayî da dewam dikin.

Di vê qonaxê da armanc ew e ku rêya peravê ya ku berê ji hêla Şaredariya Tuşbayê va hatiye çêkirin bê firehkirin, rê bê ronîkirin û xebatên li ser saziyê bên temamkirin.

Dema ku qonaxa dawîn biqede dirêjahiya rêya peravê wê derkeve 18 kîlomêtroyan.

Di vê projeyê da xebatên peyarê, ronîkirin, rêyên meşê û duçerxeyan, çandina hêşinahiyê, qada lîstîkê ya zarokan û cihên civakî dewam dikin.

Ev rê wê sê navçeyan bigîhîne perava golê.

Rê wê ji kêleka Otela Sepandinê ya Edremîtê dest pê bike û heta Zanîngeha Yuzuncu Yilê dewam bike.