Li Tevahiya Tirkiyeyê germahiya hewayê wê 6 û 9 pile zêde bibe.

Li gor agahiyên ku Pisporê Texmînkirina Hewayê yê Midûriyeta Giştî ya Meteorolojiyê Cengiz Çelik da nûçegihanê AAyê vê hefteyê li tevahîya Tirkiyeyê germahiya hewayê wê 6 û 9 pile zêde bibe.

Li gor nirxandinên herî dawîn Çelik got ku baran û hewaya honik wê cihê xwe ji germê ra bihêle û wiha diyarkir, ji roja duşemê pê va ji rojava va wê hewa germ bibe.

Çelik got: "Ji roja duşemê pê va ji rojava va li tevahîya Tirkiyeyê germahiya hewayê wê 6 û 9 pile zêde bibe. Herî zêde li herêma rojava û başûr wê bandor bike."

Çelik got ku li Enqereyê 34, Stanbolê 35, Îzmîrê 39, li Herêma Başûrê Rojhilatê Anadoluyê 41-42, li Aydinê 44 pile tê payin.

Cengiz Çelik di dawiya axaftina xwe da jî got ku bila welatî danê nîvroyê dernekevin derva, yên ku derkevin jî bila şewqe, berçavkê bikarbînin û cil û bergên reng vekirî li xwe bikin.