Li Wanê taxên ku raqima wan bilind e, şênî di biharê da jî berfê paqij dikin.

Li rojavayê welêt hewaya biharê heye, li Taxa Bagriyanikê ya Gurpinara navçeya Wanê şert û mercên dijwar ên zivistanê serdest in.

Ji ber berfa ku zêde ketiye, xaniyên yekqatî û gom di nava berfê da mane. Şêniyên taxê ji aliyekî va berfê paqij dikin û ji aliyê din va jî heywanên xwe xwedî dikin.

Li taxê qalindahiya berfê cî bi cî 2 mêtre ye. Şêniyên taxê di van şertên dijwar da hewl didin ku xwedîkirina heywanên xwe îhmal nekin. Şênî li ser berfê dirûngeyê datînin û heywanên xwe alif dikin. Şênî li benda wê rojê ne ku berf rabe û ew jî heywanên xwe derxin zozan û berdin çêreyê.

Ji şêniyên taxê Seferî Hîtît ji nûçegihanê AAyê ra got ku li herêmê şert û mercên zivistanê dijwar derbas dibe.

Hîtît daxuyand, ji ber ku cihê wan bilind e, berf zûtirî dikeve û dereng radibe û wiha dewam kir, "Li vê derê şert û mercên zivistanê pir dijwar e. Hema bêje 8 mehan dewam dike. Em li vê derê heywandariyê dikin, gîhê didirûn, heywanên xwe xwedî dikin. Çûyîn û hatina vir pir zehmet e. Em carina ji ber berfê nikarin biçin mala cînarê xwe jî."

Mehmet Salîh Şahîn jî destnîşan kir ku salê 8 mehan ew berfê paqij dikin û li ber xwe didin, ji ber şert û mercên giran ên zivistanê ew piraniya salê tengasiyan dikişînin.