Wezîrê Karên Navxweyî Alî Yerlîkaya ragihand ku di operasyonên dijî qumarê yên ku ji hêla cendirmeyan va li Stenbolê hatin kirin da 33 şikbarên ku di hesabê wan da tevahî 4 milyar û 685 lire hebûn, hatin girtin.

Wezîr Yerlîkaya li ser hesabê xwe yê medyaya civakî der barê operasyonê da wiha agahî da: "Me di operasyonên dijî qumarê yên ku ji hêla cendirmeyan va li Stenbolê hatin kirin da 33 şikbarên di hesabê wan da tevahî 4 milyar û 685 lire hebûn, girtin. Ji şikbaran 13 kes hatin girtin, der barê 20 kesan da jî biryara kontrola edlî hat dayîn. Dest li ser mal û milkên ku bihayê wan 550 milyon lire ye hat dayîn. 558 hesabên banka û krîptoyê hat blokekirin. Li gor raporên MASAKê, dest li ser 5 vîlla, 22 wesayîtên luks, 7 motosîklet û 21 eraziyên şikbaran yên ku bihayê wan qasî 550 milyon lire ye hat danîn. Di operasyonan da 4 demançeyên bêruxset, gelek telefonên destan, kartên SIMê, komputer, cizdanên krîptoyê û materyalên dijîtal hatin bidestxistin."