Li Şirnexê armanc ew e ku Nexweşxaneya Herêmê ya ji 500 cî û nivînan pêk tê û çêkirina wê dewam dike, di dawiya salê da dest bi xizmetê bike.

Nexweşxaneya Herêmê ya ku ji 500 cî û nivînan pêk tê, li texma gundê Îkîzceyê tê çêkirin û di 2023yan da dest pê kirin. Nexweşxane li ser qadeke 117 hezar mêtreqareyî hat çêkirin û wê tê da 153 polîklînîk, 130 cî û nivînên beşa nexweşên giran û 22 emeliyetxane werin çêkirin.

Kordînatorê projeyê yê fîrmaya çêker Omer Ertuş ji rojnamegeran ra got ku ji bo şêniyên herêmê nexweşxaneyeke mezin û nûjen tê çêkirin û nêzî 350 personel tê da xebatan didomînin.

Ertuş daxuyand ku hemû navçeyên bajêr bi qasî hev dûrî nexweşxaneyê ne û çûyîn û hatina nexweşxaneyê hêsan e.

Ertuş diyar kir ku înşaata gir a nexweşxaneyê qediya û wiha dewam kir:

"Ji ber rewşa hewayê em nikarin pakî bixebitin. Nêzî 350 personelî va xebatên me dewam dikin. Bi xweşbûna hewayê ra ev jimara wê ji 500î zêdetir bibe. Em ê heta dawiya salê nexweşxaneyê têxin xizmeta miletê xwe."