Li Şanliurfayê Şaredariya Eyyubiyeyê bi minasebeta meha remezanê ji bo dabînkirina pêdiviya goşt, alîkariya pez da 400 malbatî.

Li gorî daxuyaniya şaredariyê, di meha remezanê da xebatên alîkariyê yên ji bo êtîm, hewcedar, nexweş, extiyar û bêkesan didomin.

Di vê çarçoveyê da ji bo malbatên hewcedar ji xeynî 400 serî pezî, qoliyên xidayê, alîkariya neqdî û alîkariya alavên malê hatin dayîn.

Mehmet Kuşê Şaredarê Eyyubiyeyê ku di daxuyaniyê da cih dan nêrîna wî, bal kişand ku wan bi minasebeta meha remezanê, fealiyetên xwe zêdetir kirin.

Kuş bal kişand ku ew ê di tevahiya meha remezanê da 25 hezar qoliyên xidayê belav bikin û ji bo dabînkirina pêdiviya goşt a malbatên hewcedar, ew ê 400 serî pez û 2 hezar lîre pereyê serjêkirinê bidin û her wiha ew ê serê malbatê 5 kîlogram goştê mirîşkan û ji bo zarokan jî cilûberg û solên eydaniyê bidin.