Li Diyarbekir, Mêrdîn, Şirnex, Batman û Sêrtê nexweşxane tên çêkirin û armanc ew e ku li vir ji bo welatiyan xizmeteke baş bê dayîn.

Ji bo xurtkirina binesaziya tenduristiyê ya herêmê xebatên veberhênanan dewam dikin.

Di vê çarçoveyê da, li Diyarbekirê Nexweşxaneya Bajêr a bi 1000 nivînî, li Mêrdînê Nexweşxaneya Bajêr a bi 750 nivînî, li Şirnexê Nexweşxaneya Herêmê ya bi 500 nivînî, li Batmanê Nexweşxaneya Dewletê ya bi 500 nivînî û li Sêrtê jî avahiyê pêvek ya Nexweşxaneya Perwerde û Lêkolînê ya bi 400 nivînî tên çêkirin.

Li Diyarbekirê avakirina ji sedî 54ê Nexweşxaneya Bajêr a Kayapinarê temam bûye û armanc ew e ku rojane xizmetê bide 15 hezar nexweşan.

Midûrê Tenduristiyê yê Bajêr Emre Asîlturk ji nûçegihanê AAyê ra got avakirina Nexweşxaneya Bajêr a Kayapinarê bi qasî sal û nîvek berê dest pê kiriye.

Asîlturk daxuyand nexweşxane li ser erdekî 438 hezar mêtroçargoşeyî ye û 263 hezar mêtroçargoşe jî cîhê sergirtî ye.

Ji bilî Diyarbekirê, li Mêrdîn, Şirnex, Batman û Sêrtê jî nexweşxaneyên ku wê xizmetê bidin welatiyan tên çêkirin.