Herêma Rojhilatê Anadoluyê ji ber qedexeya derketina derva ya di çarçoveya têkoşîna dijî vîrusa koronayê ya tîpa nû (Kovîd-19) da hat îlankirin vik û vala ma.

Li gor giştînameya Wezareta Karên Navxweyî ya ji bo têkoşîna dijî Kovîd-19ê hatibû weşandin qedexeya ku ji duh saet 21.00ê pê va kete rewacê û ew ê hetanî saet 05.00ê 22yê sibatê roja duşemê dewam bike li Erzirom, Erzincan, Qers, Tuncelî, Agirî, Erdexan û Îdirê welatî li malên xwe bimînin.

Kolan û kuçeyên bajaran vik û vala man, hêzên ewlekariyê li ketin û derketina bajaran û kolanan kontrolên xwe domandin.

Ekîbên polêsan nasname û belgeyên kesên gotin ku wezîfedar in kontrol kirin û destûr dan çûyîn û hatina wan.

Li bajarên herêmê ji ber qedexeyê trafîka wesayîtan dakete asta herî kêm.