Tirkiye

Li rojhilatê welêt piştî berfê sir û sermayê dest pê kir

Günay Nuh, Muhammet Mutaf, Hüseyin Yıldız, Abdullah Söylemez, Cüneyt Çelik, Sidar Can Eren   | 20.01.2022
Li rojhilatê welêt piştî berfê sir û sermayê dest pê kir

Erzurum

Li Erzirom, Îdir, Erdexan, Agirî, Qers û Tunceliyê piştî barîna berfê sir û sermayê dest pê kir.

Li Erziromê piştî berfa du rojan barî sermayê dest pê kir. Li bajarê bi berfê çîl û sipî bûye camên wesayîtan qeşa girtin, li banê xaniyan cembelîk çêbûn.

Ajokaran li rêyên cemidî tengasî kişand, ekîbên şaredariyê jî xoy li rê reşandin.

- Îdir

Li Îdirê berfa hetanî duh bi şev barî bajar çîl û sipî kir.

Li bajêr qalindahiya berfê gihîşt 10 santêmî, ekîbên şaredariyê ji bo paqijkirina berfê dest bi xebatan kirin.

Welatiyan berfa li pêşiya avahiyên xwe paqij kirin, hin kesan çil û betanî avêtin ser wesayîtên xwe ku ji sermayê mihefeze bikin.

- Erdexan

Li Erdexanê ji ber sir û sermayê rê û peyarê cemidîn.

Ekîbên şaredarî, rêbeja û Îdareya Taybet a Bajêr xebatên paqijkirina berfê dimeşînin.

- Agirî

Li Agiriyê piştî berfê serma dewam dike, ekîb xebatên paqijkirina berfê didomînin.

Wekî mayîn Gêdûkê Tendurekê yê di navbera Bazîda Agiriyê û Çaldirana Wanê da ji ber berf û bagerê hat girtin, gelek tir di rê da man.

Dildarên Hîva Sor a Tirkan xwarin li ajokaran belav kirin.

- Qers

Li Qersê berfa 3 roj e dibare û serma ji bo welatiyan dibe tengasî. Qalindahiya berfê derket 15 santêmî û ekîbên şaredariyê berfê paqij dikin.

Ekîbên Midûriyeta Herêma 18an a Rêbejayê û yên îdareya taybet a bajêr li herêmên xwe berfê paqij dikin.

- Tuncelî

Li Tunceliyê jî piştî barîna berfê rê û peyarêyên li bajêr cemidîn.

Welatî ji ber cemedê bi zehmetî diçin û tên.

Ekîbên şaredariyê rê û dirban paqij dikin, xoyê direşînin.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın