Li Qers û Erdexanê berf dibare û hewaya sar dewam dike.

Li Qersê ji ber berfa ku dem demî dibare, wesayît û dar bi berfê nixûmîn.

Li navenda bajêr qalindahiya berfê cî bi cî mêtroyekê derbas dike.

Ekîbên şaredariyê berfa li ser rê û peyarêyan paqij dikin.

Hin welatiyan jî berfa li ber mal û kargehên xwe paqij kirin.

Mekanên dîrokî yên bi berfê nixûmîne dîmenên xweş derxistin holê.

Li navçeya Sariqamîşê jî piştî berfê hewa sar bû, li banê xaniyan şembelûk çêbûn û paceyên wesayîtan jî qeşa girt.

Hin welatiyan branda avêtin ser wesayîtên xwe ku ji sermayê biparêzin.

Ji ber berf û bagerê golên biçûk qerisîn, wesayît û mal bi berfê nixûmîn.

Daristanên sariçamê yên ku çîlspî bûn jî dîmenên xweş derxistin holê.

- Erdexan

Li Erdexanê jî hewa sar e.

Piştî berfa ku di rojên dawîn da dibare hewa sar bû.

Ji ber sermayê li ser rê û peyarêyan qeşa çêbû, wesayît bi zehmetî çûn û hatin.

Li bajêr germahiya hewayê ya bi şev di binê sifirê da 7 pile hat pîvan.

Li ser banê xaniyan şembelûk çêbûn.