HAKKARÎ (AA) - Li Navenda Xweşiqitandinê ya Mêrga Botan a li Hekariyê ku raqima wê 2 hezar û 800 e, ji ber betlaneya dawiya hefteyê qerebalixî çêbû.

Navenda xweşiqitandinê 12 kîlomêtre dûrî navenda bajêr e û piştî berfa dawî ya ku ket, qalindahiya berfê derket mêtreyek û 67 santêmî.

Ji ber ku sezona xweşiqitandinê li vê navendê dirêj e û berfa wê xizik xizikî ye, ev navend dertê pêş. Ji navenda bajêr û bajarên derdorê gelek hezjêkerên xweşiqitandinê bûn mêvanê navendê.

Hezjêkerên xweşiqitandinê xwe şiqitandin û snowboard kir, malbat bi zarokên xwe ra bi xizekan xwe şiqitandin.

Ekîbên Lêgerîn û Xelaskirinê yên Cendirme, UMKE û ambulans li ser îhtimala rewşeke neyênî li tesîsê bendewariyê dikin.

Kuzey Onur Aslanê ku ji Wanê hate navendê, ji nûçegihanê AAyê ra wiha got: "Wî xwe li hemû pîstên tesîsê şiqitand. Ez cara ewil têm vê derê. Ji ber ku tesîsa Wanê venebûye, em hatin vê derê."