Li Mûşê xwendekarên zanîngehê yên ku beşdarî qursa wênekêşiyê ya li Mûşê bûn, wêneyên cihên dîrokî û çandî yên bajêr kişandin.

Li Ofîsa Ciwaniyê ya Zanîngeha Mûş Alparslanê bi hevkariya Navenda Perwerdeya Gel û Midûriyeta Ciwanî û Werzişê qursa wênekêşiyê hat vekirin.

Xwendekarên ku beşdarî qursa wênekêşiyê bûn piştî perwerdehiya bingehîn, wêneyên mizgeftên dîrokî, Tirba Muştak Baba, Xana Yildizliyê û Kolana Bidlîsê ya Berê kişandin.

Hîndekarê Qursê û Serokê Komeleya Wêneyan a Mûşê Kenan Demîr daxuyand ku qursa wan du mehan dewam kiriye.

Demîr anî ziman ku piştî perwerdeya teoriyê wan dest bi gerê ya ji bo kişandina wêneyên dîrok, çand, siruşt û jiyana rojane ya bajêr kiriye ku ev agahî baştir bên fêmkirin.

Ji xwendekaran Sîbel Aslanê jî wiha got: "Em berê jî li Keleha Mercîmekê û Bendavê û Keleha Haspetê geriyan. Îro jî me wêneyên mekanên berê yên dîrokî yên Mûşê kişandin."