Li Mûşê mêrg û mexel bi garana dewaran şên bûn

Li Mûşê piştî zivistana reş û dirêj mêrg û mexel hêşîn bûn û bi garanên dewaran şên bûn.

Li gundê Yoncaliozê yê li ser navendê bi germbûna hewayê ra siruşt bi xwe va hat û mêrg û mexel hêşîn bûn.

Rêncberên gund piştî zivistana ku dijwar derbas bû, garanên dewaran berdan çêre.

Ji ber ku îsal berf û baran zêde barî û ava Çemê Mûradê zêde bû, rêncber li ber çem li cihên tenik digerin ku dewarên xwe derbasî aliyê din ê çem bikin da ku dewarên xwe bibin mêrg û mexelan û biçêrînin.

Mixtar Nîzamettîn Balkaya ji nûçegihanê AAyê ra got ku rêncber dewaran derbasî aliyê din ê çem dikin ku bibin mêrgan.

Balkaya diyar kir ku gundî bi heywandariyê debara xwe dikin û wiha dewam kir, "Êvarê jî dîsa heywanan ji çem ra derbas dikin û tînin tewleyan. Em çi qas zehmetiyê bikişînin jî em ê miheqeq çandinî û heywandariyê bidomînin. Lewra debara me gundiyan ji çandinî û heywandariyê tê. Nifûsa gundê me 1070 kesan pêk tê."

Balkaya xwest ku berê avê were guherandin da ku heywan bi rehetîkî biçin çêre û bên, ev jî bi xebata islahkirinê va wê çareser bibe.

Rêncber Hanîfî Aydin jî got ku ava çem diherike qadeke mezin, bi çêkirina rêyekê va ev pirsgirêk wê ji holê rabe.