Li Muta navçeya Mêrsînê tirê li otobêsa rêwiyan xist, di encama qezayê da 3 kes mirin û 7 kes birîndar bûn.

Li texma Burunkoyê ya Derbasoka Sertavulê tira bi plakaya 22 EFV 47 a ku Cengîz Koysurenbaş diajot ji piştê va li otobêsa rêwiyan a bi plakaya 21 KA 021 a ku Şahîn Karataş diajot xist.

Bi tesîra lêxistinê otobêsa rêwiyan a ku ji Karamanê ber bi Îdirê va diçû û tir welgeriyan.

Li ser îxbarê ekîbên cendirme, îtfaiye û tenduristiyê sewqî herêmê kirin.

Di qezayê da ji rêwiyên di otobêsê da Muhammet Ateş û Kerîm Kogce li cihê bûyerê mirin.

Ajokar Koysurenbaş û Karataş û rêwî Kaan Keser, Alî Firat Nergîz, Emîne Ergîn, Fatma Rahîmler, Mehmet Karataş, Yasîn Ugur birîndar bûn.

Ekîbên tenduristiyê birîndar rakirin Nexweşxaneya Dewletê ya Mutê û Emîne Ergîn jî digel midaxeleya hat kirin bi ser xwe va nehat û jiyana xwe ji dest da.

Piştî lêkolîna li cihê bûyerê cenazeyên Ateş û Kogce rakirin morga nexweşxaneyê.