Komeleya Geşkirin, Bedewkirin û Pêşketinê ya Gund û Dibistanên Gundên Mûşê (Koy-Gel-Der) di çarçoveya çalakiyên 954emîn salvegera Serfiraziya Milazgirê da meşale vêxistin û alaya Tirk vekir.

Endamên komeleyê yên li navçeya Haskoyê bi welatiyan ra hatin cem hev, li meydana navçeyê meşale vêxistin û alaya Tirk a 6 metreyî bilind kir.

Murat Çaldirê Serokê Komeleya Muş Koy-Gelê ji mensûbên çapemeniyê ra diyar kir ku ruh û îqlima menewî ya Milazgirê gerdûnî ye.

Çaldir bal kişand ku divê çalakiyên Milazgirê bi tenê di navbera 24-26ê Tebaxê da neyên kirin û wiha dewam kir, "Me bi vê armancê li navenda navçeya Haskoyê tevî welatiyan meşale vêxistin û ala vekir. Em dixwazin çalakiyên Milazgirê belayî her derê Tirkiyeyê bibin. Em îro li navçeya me ya Haskoyê ne. Şerê Meydanî yê Milazgirê rê daye ber dîroka cîhanê."