Li Andirina navçeya Kahramanmaraşê mihrîcana peraşûta berpalê hat lidarxistin.

Şaredariya Andirinê ji bo nasandina navçeyê mihrîcana peraşûta berpalê li dar xist ku ji Kahramanmaraş, Trabzon, Antalya, Adiyeman, Mêrsîn, Edene û Osmaniyeyê 45 werzişvan beşdarî çalakiyê bûn.

Beşdarvanan ji taxa Pireya Asmayê dest bi firînê kirin û bi temaşekirina siruştê va çalakiya xwe temam kirin.

Welatiyan bi coş û eleqeyê temaşaya werzişvanan kir.

Şaredarê Andirinê Ahmet Sînan Gokşen di mihrîcanê da daxuyand ji bo ku eleqeya werzişên siruştê zêde bibe û dewlemendiya siruşta navçeyê bê nasandin ew ê çalakiyên bi vî rengî li dar bixin.

Piştî firîna peraşûtan mihrîcan bi dawî bû.