Ji bo balkişandina ser nîjadkujiya ku Îsraîl ji 8ê Cotmeha 2023yan vir va li Xezeyê didomîne û êş û janên ku li Filistînê tên kişandin, "Meşa Biryardariyê ya Xezeyê" dest pê kir.

Endamên saziyên civaka sivîl ên mensûbê Platforma Piştevaniya Filistînê ya Enqereyê û kal, pîr, keç, xort û zarok jî di nav da bi hezaran kes ji bo balê bikişînin ser nîjadkujiya li Xezeyê û bertekê nîşanî Îsraîlê bidin, li pêşiya Mizgefta Melîke Hatunê civiyan.

Wezîrê Gîhandin û Binesaziyê Abdulkadîr Uraloglu, hin parlamenter û Waliyê Enqereyê Vasîp Şahîn jî beşdarî çalakiya meşê bûn û piştgirî dan welatiyan.

Welatiyan alayên Filistînê dan destê xwe û li dijî Îsraîlê duruşme berz kirin û pankartên "Li gavek wêdatir mirovahî dimire, qehir be Îsraîl", "Misilmano bibin yek" vekirin.

Polêsan tevdîra ewlehiyê hilda û welatî ji vê derê bi rê ketin û ser Bûlwara Ataturkê ra meşiyan 15ê Tîrmehê Meydana Îradeya Neteweyî ya Kizilayê.