Li nêzîkî gundê Kesîkkavakê yê Haymanaya navçeya Enqereyê bi şefeqê ra xebatên lêgerînê yên li ser kavilê jeta taybet bilez bûn ku Sererkanê Lîbyayê Orgeneral Mihemed Elî Ehmed El-Heddad û heyeta wî û her wiha muretebat tê da bûn.

Jeta cure Falcon 50 ya duh êvarê ji Balafirgeha Esenbogayê bi firê ket û pişt ra ji ber erizeya ceyranê "rewşa bilez" ragihand navenda kontrola asîmanî û daxwaza "danîna bilez" kir, li gundê Kesîkkavakê yê Haymanayê li ser zeviyekê ket xwarê.

Li ser îxbarê hêzên ewlekariyê hatin sewqkirin û di encama xebatan da enqazê balafirê hat dîtin. Xebatên lêgerînê yên bi şev digel baran û mijê dewam kirin, bi şefeqê ra bilez bûn.

Ekîbên cendirmeyan cihê balafir lê ket xwarê dorpêç kirin û destûrê nadin ku sivîl derbasî wir bibin. Ji ber hebûna heriyê, ambulansên bi palet sewqî herêmê kirin.

Li cihê enqazê ji hêla AFADê navenda kordînasyona mobîl hat avakirin û peywirdar li vir xebatan dişopînin.

Di vê navberê da 4 dozgerên ku ji hêla Serdozgeriya Komarê ya Enqereyê hatin peywirdarkirin jî beşdariya xebatan dikin.

Tê çaverêkirin ku Wezîrê Karên Navxweyî Ali Yerlikaya jî li cihê balafir ket xwarê vekolînê bike.