Ekîbên Îdareya Taybet a Bajarê Mûşê di rêyên gund, mezre û zozanan da avêtina berfê didomînin.

Li gor daxuyaniya ku ji Îdareya Taybet a Bajêr hat dayîn, ji bo vekirina rêyên gund, mezra û zozanan ku zivistanê kes lê namîne, xebat tên kirin.

Li deverên bilind qalindiya berfê cî bi cî heta 2 mêtreyî zêde dibe, ekîb di şert û mercên dijwar da wezîfeyê dikin û hewl didin ku rêyan di demeke herî kin da vekin.

Sekreterê Giştî yê Îdareya Taybet a Bajêr Şeyhmus Yentur diyar kir, ew hewl didin ku rêyên niştewaran vekin, lê li van niştewaran zivistanê kes najîn.

Yentur ekîb li deverên bilind xebatên paqijkirina berfê didomînin û wiha dewam kir, "Ji bo ku welatiyên me biharê bi rehetî biçin gundên xwe û bên, ekîbên me li herêmên ku qalindahiya berfê cî bi cî dertê 2 mêtreyan, dixebitin. Ez spasiya hevalên me dikim ku di şert û mercên dijwar da dixebitin. Her wiha ji bo ku sebir dikin jî ez spasiya welatiyên me dikim."