Wezareta Karên Navxweyî ragihand, li Çukurcaya navçeya Hekariyê bi beşdariya 610 personel û 38 tîmên operasyonel va "Operasyona Eren Abluka-37 a Cendirmeyê Astsûbay ê Şehîd Aydin Guleken" hat destpêkirin.

Li gorî daxuyaniya Wezareta Karên Navxweyî, di operasyona ku li Geliyê Kazanê yê Çukurcayê hat destpêkirin ku terorîstên tê nirxandin li wir in bên berterefkirin da 610 personel û 38 tîmên operasyonel beşdar in ku ji komandoyên cendirme, tevgera taybet a cendirmeyê, tevgera taybet a polêsan û gundparêzan pêk tê.

Di roja ewil a operasyonê da li çoltera Zozanê Xan ê Geliyê Kazanê depoya sereke ya rêxistina terorê ya çek û muhîmatan hat dîtin.

Di vê depoyê da hewanga 121 mm, doçkaya 14,5 mm, dijefirokeya 12,5 mm, bixi tifinga bimakîne, 76 kalaşnîkof, 88 narincok, 15 muhîmatên hewangê, 80 hezar muhîmatên bixiyê yên 7,62 mm, 50 hezar muhîmatên kalaşnîkofê, 5 muhîmatên doçkayê, 3 hezar û 300 muhîmatên dijefirokeyê, 4 muhîmatên roketa antîtank, 4 kîlogram madeya teqemeniya destçêkirî, 150 funyeya ceyranê û 23 kîlogram alavên xurek hatin bidestxistin. Di operasyonê da şikeft, stargeh û depo hatin îmhekirin.

- Daxuyaniya Wezîr Soylu

Wezîrê Karên Navxweyî Suleyman Soylu di parvekirina li ser hesabê xwe yê medyaya civakî da diyar kir, di Operasyona Eren Abluka-37 da li Geliyê Kazanê yê Çukurcaya Hekariyê cebilxaneya rêxistina terorê PKKyê hat bidestxistin û wiha got, "Em cendirmeyên me yên qehreman pîroz dikin."