Li peravên Bodrûma navçeya Muglayê belema lastîk a tê nirxandin koçberên bêdestûr tê da bûn binav bû û li gorî encamên destpêkê 11 kes xeniqîn, 21 kes hatin xilaskirin.

Wesayîta Çavdêriya Qeraxê agahî da ku li peravên Yalikavakê belemeke lastîk a beza ya tê nirxandin koçberên bêdestûr tê da hene, binav bû. Li ser vê îxbarê, ekîbên ewlehiya qeraxan bo deverê hatin sewqkirin.

Ji bo beşdariya xebatên lêgerîn û xilaskirinê, ji Îzmirê helîkoptera ewlehiya qeraxan hat peywirdarkirin.

Bi xebata ekîban 21 koçberên bêdestûr hatin xilaskirin, termê 11 kesan hat derxistin.

Li herêmê ji deryayê û her wiha hewa da xebatên lêgerîn û xilaskirinê didomin.