Grûbek karsaz ji Îranê hat Wanê û Walî Mehmet Emîn Bîlmez ziyaret kir û der heqê veberhênanên ku dixwazin li bajêr bikin da agahî dan Bîlmez.

Li gor daxuyaniya ku ji Walîtiyê hat dayîn, Bîlmez û 33 karsazên Îranî li salona civînê ya Alîpaşa ya Walîtiyê civiyan.

Karsazan der barê karên ku li Îranê dikin da Bîlmez agahdar kir û got ku ew dixwazin li Wanê bi karsazên sektora xwe ra têkiliyê daynin.

Karsazan daxuyand ku Wan ji bo veberhênanên bajarekî cazîb e û ji bo eleqedariyê spasiya Bîlmez kir.

Bîlmez jî daxuyand ku ew kêfxweş bûn ku wan seba veberhênanê Wan tercîh kir.