Li Qaxizmana navçeya Qersê jin alîkariyê didin hev û beniyê hingiv û gûzan çêdikin.

Jinên ku bi rêbazên edetî berheman çêdikin, berî çêkirina beniyan, pêşiyê hingivê kulîlkan, dims û ar wekî krema amade dikin.

Kakilên gûzan ên di bend ra derbaskirî, di stîla kremaya amadekirî da dikin.

Beniyên hingiv û gûzan dû ra ji stîlan derdixin û li ber tavê radixin. Pey ra jî beniyan jê dikin û ji bo sifreyên zivistanê tên amadekirin.

Yildiz Bingola ku alîkarî da jinan, ji peyamnêrê AAyê ra diyar kir, ew darên gûzan ên ji baxçeyê xwe dadiweşînin, berhev dikin û her wiha dû ra jî kakilê gûzan derdixin û qederekê li ber tavê ji bo beniyan hişk dikin.

Bingolê bal kişand ser girîngiya emilandina hingiv a di çêkirina beniyan da û wiha got, "Heger mirov hevîrê beniyan ji şekir çêke, pir hişt û ziha tê. Lê heger meriv bi hingiv çêke, nerm tê û bêtir tê xwedîkirin jî. Ekla wê jî xweştir e."

Bingolê diyar kir, piştî ku ew ar pê wer dikin, benî êdî amade dibin.