Şirketa Anonîm a Bi Boriyê va Neft Dibe (BOTAŞ) ragihand ku ji ber qulbûna boriya neftê vanayên Boriya Xeta Neftê ya Batman-Dortyolê hatin girtin.

Di daxuyaniya BOTAŞê da hat gotin ku duh bi şev hat tespîtkirin di 507emîn kîlometreya xeta neftê da borî qul bûye.

Ji ber qulbûnê jî di nav 2 deqîqeyan da vanayên li herêmê hatin girtin û ekîbên midaxeleya acîl çûn ciyê bûyerê û midaxele kirin.

Di daxuyaniyê da hat gotin ku ji bo neft li der û dorê belav nebe û tevlî av û bendavan nebe jî tevdîrên hewce dikirin, hatin hildan.

Hat gotin ku ekîp û amûrên hewce dikin ji herêmê ra hatine şandin û herêm wê bê paqijkirin û xebatên temîrkirinê jî dest pê kir.