Li Balafirgeha Şirnex Şerafettîn Elçî seferên umreyê dest pê kirin.

Waliyê Şirnexê Birol Ekinci, Qaymeqamê Cizîrê Ahmet Vezir Baycar, Qaymeqamê Îdilê û Amîrê Rêveberiya Mulkî ya Balafirgehê Anil Adiguzel û Midûrê Ewlekariyê Volkan Sazak beşdarî merasima birêkirina ji Balafirgeha Şirnex Şerafettîn Elçî bûn.

Walî Ekinci di bernameyê da axivî û diyar kir ku ew kêfxweş û kelecanî ne ku rêwiyên umreyê bi rê dikin û her wiha ji bo welatiyên ku diçin umreyê jî hêviya rêwîtiyeke baş kir.

Midûrê Balafirgehê Şukru Benek jî destnîşan kir ku bi firîna ewil a ji balafirgehê va ew ê 194 rêwiyan ber bi xaka pîroz bi rê bikin û wiha got, "Ev firîna ewil e û dewama wê jî dê were. Em ê di roja din da jî bi tevahî 220 rêwiyî bişînin xaka pîroz."

Walî Ekinci her wisa şekir û qurnefîl li welatiyên diçin umreyê belav kir.

Pişt ra 194 kes bo umreyê hatin birêkirin.