Wezîrê Jîngeh, Bajarvanî û Guherîna Avhewayê Murat Kurum derbarê Projeya Xaniyan a Sedsalê da got, "Di serîlêdanên me yên ku 10ê mijdarê da dest pê kirin da em gihîştin 5 milyon û 440 hezarî, emê pişkavêtina pêşî di 29ê Kanûna Pêşîn da bikin."

Kurum li navçeya navendî Antakyayê li taxa Emek-Aksarayê civîneke çapemeniyê li dar xist.

- Di projeya xaniyên civakî da hejmar gihîşt 5 milyon û 440 hezarî

Wezîr Murat Kurum derbarê serîlêdanên ji bo projeya 500 hezar xaniyên civakî da agahî da û wiha got:

"Di serîlêdanên me yên ku 10ê mijdarê da dest pê kirin da em gihîştin 5 milyon û 440 hezarî, emê pişkavêtina pêşî di 29ê Kanûna Pêşîn da bikin. Çawa ku me li herêma erdhejê, li 11 parêzgehan, li navçe, bajarok û gundên xwe bi lez û bez dest bi avakirina 600 hezar xaniyan kir, emê projeya xwe ya 500 hezar xaniyên civakî bi heman têgihîştin û biryardariyê pêk bînin."

Kurum diyar kir ku welatiyên malên wan tunene û yên kêmdahat dê bikaribin bi teqsîtên ku ji aîdatan jî kêmtir in, bibin xwediyê xaniyekî.