Foruma Malbatê ya Navneteweyî ya di çarçoveya Sala Malbatê ya 2025an da li ser daxwaza Serokomar Recep Tayyîp Erdogan hat îlankirin û Ajansa Anadoluyê (AA) jî şirîkê wê yê ragihandinê yê global e, li Stenbolê dest pê kir.

Forum li otêleke Şîşlîyê bi dirûşmeya "Malbata Me, Dahatûya Me" hat lidarxistin.

Wezîra Malbat û Xizmetên Civakî Mahînur Ozdemîr Goktaş, rêberên dînî yên ku Patrîkê Rûman ê Fenerê Bartholomeos jî di nav wan da ye, Serokê Lijneya Rêvebiriyê û Midûrê Giştî yê AAyê Serdar Karagoz, wezîrên 27 welatan ên ji malbatê berpirsiyar in, nûnerên saziyên navneteweyî, akademîsyen û endamên saziyên civakî yên sivîl beşdarî forumê bûn.

Di forumê da kurtefîlmeke ku mijara wê malbat e hat nîşandan û bernameyê bi xwepêşaneke bi navê "Reqsa Destanan" dewam kir.

Foruma ku Wezareta Malbat û Xizmetên Civakî mazûvaniya wê dike wê bi panel û çalakiyên cuda va dewam bike.

Di forumê da mijarên wek talûkeyên kurewî yên li dijî sazûmaniya malbatê, bandora dîjîtalbûnê ya li ser malbatê, veguherînên çandî û meylên demografîk wê bên nîqaşkirin.

Tê payîn ku Serokomar Recep Tayyîp Erdogan rûniştina girtinê ya forumê bike û jina wî Emîne Erdogan jî bi beşdarvanan ra bicive.