Wezîrê Karên Navxweyî Ali Yerlikaya ragihand ku di operasyonên li 31 parêzgehan ên dijî "şebekeyên xapandinê" da 102 berşik hatin girtin.

Wezîr Yerlikaya di parvekirina li ser hesabê xwe yê medyaya civakî da diyar kir ku wan di nav mehekê da li Edene, Stenbol, Antalya, Mêrsîn, Şanliurfa, Aydin, Îzmir, Tekirdag, Gazîentab, Osmaniye, Diyarbekir, Qeyserî, Denizli, Sakarya, Bartin, Hatay, Sêrt, Ankara, Meletî, Balikesir, Duzce, Eskîşehir, Erzirom, Samsun, Trabzon, Bidlîs, Bursa, Kutahya, Wan, Kirklareli û Kocaeliyê ji bo qefaltina berşikên sextekariyê operasyon li dar xistin.

Yerlikaya destnîşan kir ku di operasyonên ji hêla midûriyetên ewlekariya parêzgehan û midûriyetên şaxa asayîşê hatin lidarxistin da bi gumana xapandina 225 kesan, 188 berşik hatin qefaltin.

Yerlikaya bal kişand ku ji berşikan 102 jê hatin tewqûfkirin, der heqê 55an da biryara kontrola edlî hat dayîn û yên mayîn jî miemeleyên wan didomin.