Di Ezmûna Neqandina Personelên Qamûyê (KPSS) da ku Serokatiya Navenda Pîvan, Neqandin û Bicihkirinê (OSYM) dike, rûniştina sêyem a Agahiyên Beşê kuta bû.

Bi tevahî 127 hezar û 307 namzedan serî li Agahiyên Beşê ya KPSSyê da. Ezmûn li 30 bajarî, 35 navendên ezmûnê di 345 avahî û 4 hezar û 538 salonan da hat kirin.

Rûniştinên yekemîn û duyemîn ên Agahiyên Beşê a KPSSyê duh hatibûn kirin. Îro di saet 10.15an da rûniştina sêyemîn dest pê kir û ji bo rûniştinê namzed piştî saet 10.00î hilnedan avahiyan.

40 hezar û 637 kesan serî li rûniştina sêyemîn da. Rûniştina sêyemîn ji testên pargîdanî, muhasebe, îstatîstîkê pêk tê û ji namzedan 120 pirs hatin pirsîn û ji bo bersivdayînê 160 deqîqe dem hat dayîn.

Ji bo kesên ku nasnameya xwe winda kirine, nasnameyên wan tunene an jî li ser nasnameyên wan nimreya nasnameyê û wêne tunene, midûriyên nifûsê yên bajar û navçeyan hatin vekirin.

Encamên ezmûnan wê di 10ê cotmehê da werin eşkerekirin. Encamên ezmûna Grûba Ayê ya KPSSyê piştî eşkerekirinê wê 2 salan derbasdar bin.