Li Diyarbekirê di doza der barê kuştina Narîn Guranê da ya ku 6 jê girtî 12 bersûc û 3 zarokên tevî sûcê bûne dihatin darizandin da biryar hat dayîn.

Doza ku der heqê bersûcên girtî Bîrsen, Fuat û Maşallah Guran, karkerê Salim Guranê Mehmet Selîm Atasoy, Mehmet Şevket Kaya û Muhammed Kaya û bersûcên negirtî Şeyma Kaya, Hediye Guran, Halîl Îbrahîm Guran, Bariş Guran, Kurtuluş Guran û Omer Faruk Guran û zarokên tevî sûcê bûne R.A. (16), M.G. (16) û Î.K. (17) da ji ber sûcê "îltimasa sûcdaran" bi daxwaza cezaya hepsê ya ji 6 mehan heta 5 salan hatibû vekirin li Mehkemeya Cezaya Esliyeyê ya 17emîn a Diyarbekirê hat dîtin.

Di rûniştina çaremîn a doza ku girtî hat dîtin da 12 bersûc û 3 zarokên tevî sûcê bûne û parêzerên wan amade bûn.

Di rûniştinê da parêzerên Komeleya Têkoşîna Dijî Îstismara Zarokan a Mamoste Saadet (UCÎM) û Wezareta Malbat û Xizmetên Civakî jî cî girtin.

Rûniştin bi xwendina mitalaya dozgerê komarê ya der barê esasê da dest pê kir.

Der barê mitalayê da 6 jê girtî 12 bersûcan û 3 zarokên tevî sûcê bûne parastin kirin, îdia kirin ku bêsûc in û bereata xwe xwestin.

- Di dozê da biryar hat eşkerekirin

Mehkemeyê piştî navberê biryar da ku ji 15 kesên ku ji ber "îltimasa sûcdaran" dihatin darizandin Bîrsen, Fuat û Maşallah Guran bi 3 sal û 6 meh hepsê bên cezakirin.

Mehkemeyê bo Mehmet Selim Atasoy, Mehmet Şevket kaya û Muhammed Kayayê karkerên Salim Guran jî 3 sal cezayê hepsê da û ji ber wesfa sûcê dixin sitûyê bersûcan û mahiyeta wê, rewşa delîlên berdest, cezayê ku hatiye dayîn û maweya ku bersûc girtî mane da ber çavan û biryara texliyeya wan da.

Mehkemeyê ji bo bersûcên negirtî Hediye Guran 3 sal û 6 meh, Şeyma Kaya, Îbrahîm Halîl Guran, Bariş Guran, Kurtuluş Guran û Omer Faruk Guran 3 sal cezayê hepsê da.

Mehkemeyê her wiha ji bo zarokên tevî sûcê bûne R.A'ya (16) 1 yıl 3 ay, M.G (16) û Î.K'ye (17) jî salek û 8 meh cezayê hepsê da û eşkerekirina hikmê paş xist.

Li gor madeya 23yemîn a Qanûna Parastina Zarokan biryar hat dayîn ku 3 zarok seranserê 3 salan di bin kontrolê da bin.

Mehkemeyê biryar da ku tevdîrên kontrola edlî yên ji bo Kurtuluş Guran, Omer Faruk Guran û zarokê tevî sûcê bûye M.G da bi dawî be.