Di doza "guhdarkirina VIP"ê ya Rêxistina Terorê ya Fetullahî (FETO) da ku gelek siyasetmedar, hunermend, rojnamevan û karsaz dereqanûnî hatine guhdarkirin biryar hat eşkerekirin.

Di doza "guhdarkirina VIP"ê ya FETOyê da ku li Dadgeha Cezayê Giran ya 4emîn ya Enqereyê hat dîtin 131 bersûc cezayên hepsê ku di navbera 3 sal û 9 meh û 45 salan da diguhere, xwarin.

Ramazan Akyurekê Serokê Daîreya Îstixbaratê ya Midûriyeta Giştî ya Ewlehiyê yê berê di doza "guhdarkirina VIP"ê ya FETOyê da 45 sal cezayê hepsê xwar; Alî Fuat Yilmazerê midûrê ewlehiyê yê berê ji ber sûcê "sextekariya di belgeyên fermî" da 7 sal û 6 meh cezayê hepsê xwar; Lokman Kirciliyê Alîkarê Midûrê Ewlehiya Enqereyê yê berê 22 sal û 6 meh cezayê hepsê xwar; Yurt Atayunê midûrê ewlehiyê yê berê ji ber sûcê "sextekariya di belgeyên fermî" da 7 sal û 6 meh cezayê hepsê xwar û Gursel Aktepeyê Alîkarê Serokê Daîreya Îstixbaratê yê berê 27 sal û 4 meh û 15 roj cezayê hepsê xwar.