Wezîrê Karên Navxweyî Ali Yerlikaya ragihand ku di çarçoveya têkoşîna dijî sûcên sîberê da di 10 rojan da 198 berşik hatin qefaltin û 49 jê hatin tewqûfkirin.

Yerlikaya di daxuyaniya xwe ya li ser NSosyalê da diyar kir ku li Afyonkarahisar, Balikesir, Bîngol, Bitlîs, Eskişehir, Gazîentab, Hatay, Îstanbul, Karaman, Kahramanmaraş, Qeyserî, Kirşehir, Qonya, Mêrsîn, Osmaniye, Sakarya, Samsun, Şanlourfa, Trabzon, Bursa, Wan, Elezîz, Manîsa, Qers, Mugla, Denizli, Edene, Yalova, Uşak, Enqere, Agirî, Îzmir, Adiyeman, Diyarbekir, Antalya, Duzce, Îdir, Kirikkale, Kocaelî, Orduyê li dijî sûcên "mustehcenî û taciza zarokan a online, sextekarî, şertgirtina dereqanûnî" operasyon hatin lidarxistin û her wiha der heqê qefaltiyan da ji hêla dozgeriyan lêpirsîn hatin destpêkirin.

Yerlikaya bal kişand ku di çarçoveya têkoşîna dijî sûcên sîberê da di 10 rojan da 198 berşik hatin qefaltin, 49 jê hatin tewqûfkirin, 10 jê bi şertê kontrola edlî hatin berdan û miemeleyên yên mayîn jî berdewam in.

Yerlikaya diyar kir ku fena li welatê bejayê, li welatê sîberê jî têkoşîna wan a dijî sûc û sûcdaran bi biryardarî berdewam e.