Wezîrê Karên Navxweyî Alî Yerlîkaya daxuyand ku di çarçoveya tevdîrên sersalê da ji Midûriyeta Giştî ya Ewlehiyê, Fermandariya Giştî ya Cendirmeyan û Fermandariya Giştî ya Peravê 325 hezar û 267 personel wê bên wezîfedarkirin.

Wezîr Yerlîkaya li ser hesabê xwe NSosyalê daxuyand ku wek Wezareta Karên Navxweyî wan bi Teşkîlata Ewlehî û Cendirmeyan, Fermandariya Giştî ya Peravê, Serokatiya Îdareya Koçê û Serokatiya AFADê ra li seranserê Tirkiyeyê ji bo sersalê tevdîrên xwe dîtine.

Yerlîkaya diyar kir ku tevdîr wê di navbera 30ê Çileya Pêşîn a 2025an û 2yê Çileya Paşîn a 2026an da 4 rojan bê navber dewam bikin, amadekarî û xebata ji bo van 4 rojan di meha borî da bênavber dewam kiriye.

Wezîr Yerlîkaya daxuyand ku di xebatên 4 rojan yên ku bi Ewlehî û Fermandariya Cendirmeyan û Peravê ra hatin kirin da 12 hezar û 687 cihên kontrolê hatin avakirin û wiha dewam kir: "Bi tevahî 325 hezar û 267 personel hatin wezîfedarkirin. Ji van 298 hezar ji bo asayîşê, 27 hezar ji bo trafîkê wê bixebitin. Jê 34 hezar û 71 di asayîşê da û 9 hezar û 997 jî di trafîkê da, bi tevahî 44 hezar û 68 ekîbên me wê li qadê wezîfeyên xwe bikin."