Cinazeyên 5 kesên ji heman malbatê yên li Hekariyê di encama qezaya TIR û pîqabê da mirin, bi şîn û girîn hatin definkirin.

Di qezaya trafîkê ya li tanga Dîkîlîtaşa li ser rêbejaya Hekarî-Wanê da endamên malbata Sultanogluyê yên Hasanê bav, Namideya dayik, Nîsanur, Haticeya zarokên qîzîn û Ademê zarokê kurîn ên malbatê miribûn û piştî otopsiyê, cinaze teslîmî merivên wan kirin.

Cinaze piştra bo gundê Akocakê yê navçeya Yuksekovayê hatin veguhestin û li vir piştî nimêjê, cinaze di goristana gund da li rexê hev bi şîn û girîn hatin definkirin.

Merivên kesên di qezayê da mirin, Şaredarê Bajaroka Esendereyê Dirbaz Buyuksu, Şaredarê Bajaroka Buyukçiftlikê Çayan Çîçek, endamên meclisa şaredariyê, nûnerên saziyên civaka sivîl, rîspî û şêniyên navçeyê beşdarî definkirina cinazeyan bûn.

Li tanga Dîkîlîtaşa li ser rêbejaya Hekarî-Wanê, TIRa bi plaqeya Îranê û pîqaba ku plaqe wê 65 NK 428 e li hev qelibîbûn, di encamê da 3 kes li cihê qezayê miribûn, 2 kesên xedar birîndar jî li nexweşxaneyê digel midaxeleyê nehatibûn xilaskirin.